1. mars 2010

Litavikur. Gul vika - Rauð vika - Græn vika - Blá vika

Næstu fjórar vikurnar ætlum við að hafa litavikur í leikskólanum.

Þessa viku er gul vika, næsta vika er rauð vika, græn vika og síðast er blá vika.

Þessar vikur ætlum við að leggja áherslu á einn lit í einu og gera meira úr honum í starfinu okkar.

Gaman væri ef börninn klæddu sig í föt með samsvarandi lit og vikurnar eru, þ.e.a.s eins og hægt er.

25. febrúar 2010

Snjór - snjór - snjór

Eins og ekki hefur farið framhjá nokkrum manni í dag er mikill snjór.  Við notuðum aldeilis tækifærið, þeir sem það vildu, og fórum út að leika okkur (fyrir ofan hús).  Í hádeginu sóttum við okkur snjó út,  og matreiddum  dýrindis eftirrétt - sem samanstóð af snjó og djúsi, endilega skoðið myndirnar.

Ég vil nota tækifærið og láta foreldra vita að færðin við leikskólann er frekar slæm og biðjum við alla að fara varlega.

25. febrúar 2010

Tónlist

Hrefna er með tónlist á miðvikudögum og gengur það mjög vel.

Settum inn nýjar myndir.

23. febrúar 2010

Stelpukaffi

Í morgun kom fullt af ömmum, mömmum, systrum og frænkum í heimsókn og fengu morgunbollur og kaffi.

Við þökkum öllum kærlega fyrir komuna.

Endilega skoðið myndir á myndasíðunni.

22. febrúar 2010

Stelpukaffi

Þriðjudaginn 23. febrúar frá kl. 8.00-9.30 ætla börnin í Uglukletti að bjóða mömmum, ömmum og systrum í stelpukaffi. Hlökkum til að sjá sem flestar mömmur, ömmur og systur.

17. febrúar 2010

Öskudagurinn

Öskudagurinn er alltaf mjög spennandi og skemmtilegur dagur og á því var enginn breyting í ár.  Allskyns furðuverur komu í leikskólann, litlar sem stórar.  "Kötturinn" var sleginn úr tunnunni við mikinn fögnuð furðuveranna nema það kom enginn köttur heldur popppokar sem allir fegnu að gæða sér á.

Myndir segja meira en mörg orð og því ákváðum við að demba inn mörgum myndum af deginum.

10. febrúar 2010

ólympíuleikar

Í dag (miðvikudag) voru haldnir ólympíuleikar starfsfólks.

Keppt var í þrem mismunandi greinum, vaskafatasparki, pokahlaupi, og vaskafatakasti.  Eins og á mánudaginn tóku börnin virkan þátt í keppninni, hvöttu konurnar áfram og voru ræsar.

Í stuttu máli sagt sigraði Kristín G í öllum þrem greinunum, eftir harða baráttu og hlaut hún titilinn ólympíumeistari Uglukletts 2010.

Mikið fjör mikið gaman.

Endilega skoðið myndirnar á vefnum.

9. febrúar 2010

Heimsókn

 Í morgun (þriðjudag) fengum við heimsókn frá fjórum leikskólakennurum frá Leikskólanum Laufskálum í Reykjavík.  Voru þær að kynna sér Flæðið hjá okkur.

Við þökkum þeim kærlega fyrir heimsóknina.